Аялдар менен эркектер кайсы тармактарда иштешет? Бул суроого Улуттук статистикалык комитет жооп берди.
Маалыматка караганда, кыймылсыз мүлк менен операциялар (96%), билим берүү (79%), саламаттыкты сактоо жана социалдык кызматтар (78%) сыяктуу иштерде аялдар басымдуулук кылат. Курулуш (99%), тоо-кен казуу, транспорт иштери жана товарларды сактоо (ар бири 96%) сыяктуу тармактарда эркектер көбүрөөк.Ишканалардын жетекчилеринин саны боюнча алып караганда аял, эркектердин саны бирдей. Саламаттыкты сактоо, билим берүү жана кыймылсыз мүлк операцияларында жетекчилердин басымдуу бөлүгүн аялдар түзөт, ал эми курулушта, тоо-кен казып алуу жана транспорт ишинде – эркектер. Ошол эле учурда билим берүү жана саламаттыкты сактоо экономикалык ишмердүүлүктүн эң аз төлөнүүчү тармактарынын катарына кирет, ал эми курулуш жана тоо-кен өндүрүшү эң көп төлөнүүчү тармактардын катарына кирет.