Ошто аялды сабаган эркек аныкталып, кармалды. Бул тууралуу шаардык ички иштер башкармалыгы билдирди.
Маалыматка караганда, интернетте тараган видеодогу окуя 10-майдан 11-майга караган түнү саат 2 чамаларында «Арча» сулуулук салонунун алдында болгон.
Милиция бул фактыны «үй бүлөлүк зомбулук» катары каттап, 23 жаштагы шаар тургунун 24 саатка камоого алды.
Жабырлануучу Ноокат районунун тургуну У.Р. кол көтөргөн эркек менен жарандык никеде турат. Аял күйөөсүнө каршы арыз жазуудан баш тартып, анын сабалганы боюнча видеону таркаткан жарандарга каршы чара көрүү талабы менен милицияга арыз жазды.
Биздин Телеграм каналга катталыңыз