Бишкекте үйгө кирип, уурулук кылууга шектелип 21 жаштагы жаран кармалды. Бул тууралуу Октябрь райондук милициясынан билдиришти.
Маалыматка караганда, 8-октябрда райондук милицияга М.Д. аттуу жаран кайрылып, 7-октябрь күнү болжол менен саат 18:00до белгисиз адамдар катып кеткен ачкычын таап алып, батирине киргенин билдирген. Ууру батирде жүргөн убакта үй ээси келип калып, кылмышкер качып кеткен.
Аталган факт боюнча Кылмыш кодексинин 205-беренеси (уурдоо) боюнча кылмыш иши козголгон.
Бул кылмышка шектүү катары 21 жаштагы А.А. аттуу жаран кармалып, шаардык милициянын убактылуу кармоочу жайына камакка алынган.
Учурда кармалган жаран дагы башка 6 кылмышка тиешеси бар болушу мүмкүн деп шектелүүдө. Иликтөө иштери уланууда.
Милиция шектүүнүн кылмыштуу аракеттеринен жабыр тарткан же маалыматы бар жарандарды 0(502) 77-76-62 же 102 номерине кабар берүүсүн суранат.
Биздин Телеграм каналга катталыңыз