Талас облустук милициясы өлкө жарандарын шылуундардан сак болууга чакырат.
«Учурда киберкылмыштар көбөйүп, алдамчылар жарандардын социалдык тармактардагы аккаунттарына чейин кирип, тизмесинде болгон бардык досторунан карызга акча сурап, акча котортуп, уяттуу видеолорго жүзүн коюп монтаждап, шантаж кылууга чейин жетти. Жакын адамыңыздан же бейтааныш номерден күтүүсүз билдирүү келсе, эмоцияга алдырбай окуянын чын төгүнүн тактап көрүңүз», — деп билдирет милиция.
Ошондой эле милиция «күнүнө 155 миң сомго чейин акча табасыз», «жеңил акча берем» деген адамдардан да сак болуу керектигин эскертет.