“Дүйнө сулуусу” сынагына Казакстандан катышуучу Томирис Заирге кыргыз дизайнери Арзубек Аманов көйнөк тикти.
Аны Томирис Заир сынактын “улуттук кийимдер” бөлүгүндө кийип чыкмакчы.
Арзубек Аманов көйнөктү казак ханышасы Томиристин кийимдерине окшоштурага аракет кылганын белгилейт.
““Дүйнө сулуусу” — дизайнер үчүн өзүнүн таланттын көрсөтүү үчүн уникалдуу мүмкүнчүлүк. Мен баш кийимди өзгөчө кылып, Казакстандын символу болгон бүркүткө басым жасадым. Бир ай иштеп, мыкты образ жараттым”, — дейт дизайнер.
Томирис Заир — “Казакстандын сулуусу -2023” сынагынын жеңүүчүсү.
Сынак Эль-Сальвадор мамлекетинде өтөт.
Биздин Телеграм каналга катталыңыз