Кыргыз эркин күрөшчүсү Арсалан Будажапов Индияда өтүп жаткан Азия чемпиондугунда алтын медаль утту. Бул тууралуу «super.kg» жазды.
Маалыматка ылайык, Будажапов 79 килограммга чейинки салмакта финалда индиялык балбан Балиян Гоурав менен беттешип, 7:5 эсебинде жеңишке жетти. Кыргыз балбанына Азия чемпиондугунун алтын байгеси ыйгарылды. Ал эми Гоурав күмүш медалына ээ болду. Беттеш Индиянын Нью-Дели шаарында өтүүдө.