Кыргыз-казак чек арасындагы «Ак-Тилек» өткөрүү пунктунда 260 автоунаа кезекте турат. Бул тууралуу Жогорку Кеңештин эл аралык иштер, коопсуздук жана коргоо комитетинин жыйынында УКМКнын Чек ара кызматынын директору Уларбек Шаршекеев билдирди.
Анын айтымында, Казакстан чек араны кесип өтүүгө эч кандай чектөө киргизген эмес.
«Бир суткада 280 автоунаа чек арадан өттү. Саатына 11-12 транспорт кирип жатат. Машиналардын агымы өтө көп болгондуктан тыгын пайда болууда», — деди ал.
Уларбек Шаршеевдин маалыматында, 2023-жылы Кыргызстанга кирген адамдардын саны 2022-жылга салыштырмалуу 32 пайызга, транспорттун саны 18 пайызга өстү.
Биздин Телеграм каналга катталыңыз