Кыргыз премьер лигасы 7-августта жанданат. Бул тууралуу Кыргыз футболдук союзунан кабарлашты.
Маалыматка ылайык, Жаштар иштери, дене тарбия жана спорт боюнча мамлекеттик агенттиги ишмердүүлүктү баскычтуу кайра жандандыруу боюнча өкмөттүн жарлыгына ылайык, өлкөдө футбол чемпионатын 7-августта жандандыруу чечимин кабыл алган.
Турнир 2 айлампа менен өтөт. Чемпиондук борборлоштурулган таризде жүргузүлүп, бардык оюндар Кант шаарында орун алат.
Коронавирус инфекциясынын жайылышын алдын алуу үчүн оюндар көрүүчүлөрсүз өткөрүлөт.