Кыргыз-тажик чек арасындагы атышуудан жабыр тарткан эки кыргызстандыктын абалыь орто. Бул туурасында Саламаттыкты сактоо министрлиги билдирди.
Маалыматка караганда, эки жабырлануучу Лейлек шаарындагы жалпы дарыгерлердин практика борборуна жарылуу сыныктарынан алган жаракат диагнозу менен түшкөн. Учурда бир жабырлануучу ооруканада жатат, алгачкы хирургиялык дарылоо жүргүзүлгөн, абалы орто.
Экинчи жабырлануучуга алгачкы медициналык жардам көрсөтүлгөндөн кийин, канааттандырарлык абалда амбулатордук дарылоого жөнөтүлгөн.