Кыргыз-тажик чек арасындагы атышууда жабыркаган 8 жаранга операция жасалды. Операциялар Бишкек шаардык травматология жана ортопедия илим изилдөө борборунда жасалды. Бул тууралуу Саламаттыкты сактоо министрлигинен кабарлашты.
Маалыматка ылайык, бейтаптардын азыркы абалы туруктуу.
Алар:
Ж.Б., 1978-жылкы — моюн жагына кирген нерсе чыгарылды. Жакында операциянын экинчи этабы болот.
Р.у.О., 2005-жылкы — моюн жагына кирген нерсе чыгарылды.
Т.у.М., 1996-жылкы — ийини сынып кеткен. Жакында экинчи операция жасалат.
А. З., 1978-жылкы — сол ийининен жат нерсе чыгарылды.
Ы. К., 1976-жылкы — санынан жат нерсе чыгарылды.
У. Р., 1978-жылкы — согончогунан жат нерсе чыгарылды.
С. Ж., 1980-жылкы — омурткасынан жат нерсе чыгарылды.
Б. Г., 1995-жылкы — шыйрагынан жат нерсе чыгарылды.
Жаракат алган жалпы 13 адамдын ону Бишкекте болсо, үчөө Лейлек районунда.