Кыргыз-тажик мамлекеттик чек арасынын дагы 38,35 чакырымы такталды. Бул тууралуу Министрлер кабинетинин басма сөз кызматынан билдиришти.
Маалыматка ылайык, чек араларды делимитациялоо жана демаркациялоо боюнча топографиялык жумушчу топтордун кезектеги жыйыны Баткен шаарында өттү.
Жолугушуунун жыйынтыгында тиешелүү протоколго кол коюлду.
Тараптар калган аймактарды сыпаттоо боюнча ишти Тажикстандын аймагында боло турган кийинки жолугушууда улантышат.
Биздин Телеграм каналга катталыңыз