Президент Садыр Жапаров «Соттордун статусу жөнүндө» мыйзамына өзгөртүүлөрдү киргизүү тууралуу» мыйзамга кол койду. Бул тууралуу президенттин маалыматы кызматы билдирди.
Мыйзам 27-июнда Жогорку Кеңеш тарабынан кабыл алынган. Ага ылайык соттук кызматка талапкер мамлекеттик тилди (кыргыз тилин) милдеттүү түрдө В1 деңгээлинде билиши кажет. Ал «Кыргызтесттин» сынагынан өтүп, тиешелүү сертификат алыш керек.
Ошондой эле соттолгондор, жакын туугандары уюшкан кылмыштуу топтун мүчөсү болгондор жана оор жана өзгөчө оор кылмыш үчүн жазага тартылгандар дагы судья боло алышпайт.