«Кыргызиндустрия» ишканасынын 2023-жылдын 1-январынан тартып 2024-жылдын 31-декабрына чейинки мезгил аралыгындагы ишинде каржылык бузуулар аныкталды. Бул тууралуу Эсептөө палатасы билдирди.
Маалыматта айтылгандай, каржылык бузуулар жалпы 19 млн 42 миң сомду түзгөн. Анын ичинде:
- Эмгек акыны негизсиз төлөөлөр – 1 млн 391,2 миң сом;
- Нак акча каражаты жана товардык-материалдык баалуулуктардын кем чыгышы — 911 миң сом;
- Отчёт берилбеген подотчёттук суммалар — 708,7 миң сом;
- Соцфондго кошумча чегерилген кирешелер — 692,9 миң сом;
- Салык мыйзамдарын бузуулар — 291,4 миң сом;
- Продукцияны өздүк наркынан төмөн сатуу – 977,7 миң сом;
- Аткарылган капиталдык оңдоо иштердин көлөмүн жогорулатуу — 7 млн 371,7 миң сом;
- Кирешени азайтуу — 3 млн 985,6 миң сом;
- Бухгалтердик эсептин отчёттуулугунун бузулушу — 2 млн 711,8 миң сом.
Мындан тышкары, аудит коом тарабынан жүргүзүлгөн сатып алууларда, мүлктү ижарага берүүдө жана уставдык капитал менен иштөөгө байланыштуу бир катар процедуралык бузууларды да аныктаган.