Кыргызстан 2050-жылы экономикасын 200 миллиард долларга жеткирмекчи. Бул тууралуу бүгүн Садыр Жапаров “Жаңы кадам” социалдык мобилизициялоо боюнча жалпы республикалык кеңешмеде билдирди.
Министрлер кабинети 2030-жылга чейин экономиканы эки эседен ашык көбөйтүүгө, ички дүң продукциябыздын көлөмүн 30 миллиард долларга жеткирүүнү көздөйт.
«Эң башкысы, мындай натыйжа 2050-жылга чейин улуттук экономикабызды 200 миллиард АКШ долларына жеткизүүгө негиз болуп бериши керек. Муну улуу максат, бийик амбиция, жалпы улуттук кыялыбыз десек да болот!», — дейт Садыр Жапаров.
Белгилей кетсек, учурда ички дүң продукция 13,7 миллиард долларды түзөт. Борбор Азия өлкөлөрүнүн ичинен Казакстандын гана экономикасынын көлөмү 200 миллиард доллардан ашат.
Биздин Телеграм каналга катталыңыз