Кыргызстан Кытайга койдун жүнүн экспорттоодо. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Министрликтин маалыматы боюнча, Бишкектеги Фрунзе заводунун аймагында жайгашкан ишкана 6-майдан тарта Кытайга жүн экспорттоодо. Соңку 3 жумада коңшу мамлекетке 20 тоннадан ашык жүн сатылган.
Ишкана иштетилген жүндөн улуттук кийим-кече, жууркан, кийизден ар түрдүү буюмдарды жасайт. Аны да чет жакка экспорттойт. Ишкана койдун ак жүнүнүн килограммын 60-100 сомдон, кара жүндү 10-15 сомдон сатып алат.
