Кыргызстан менен Орусиянын соода-экономикалык, илимий-техникалык жана гуманитардык кызматташтык боюнча өкмөттөр аралык комиссиясынын 22-отурумунда эки өлкөнүн ортосундагы аба каттамдардын санын көбөйтүү маселеси талкууланды. Бул тууралуу отурумдан кийинки маалымат жыйында вице-премьер-министр Эркин Асрандиев билдирди.
Ал 21-сентябрдан тарта Орусия менен аба каттам жанданганын белгилеп өттү.
«Бүгүн аба каттамдардын санын акырындап көбөйтүү маселесин сүйлөштүк», — деди ал.
Орусиянын вице-премьер-министри Алексей Оверчук эпидемиолгиялык кырдаал турукташканына жараша аба каттамдардын санын көбөйтүүгө болорун билдирди.