Кыргызстандын санариптик өнүктүрүү министри Азамат Жамангулов CIPR-2025 форумунда Роскосмостун жетекчиси Дмитрий Баканов менен жолугушту.
Министрликтен маалымдашкандай, жолугушууда тараптар спутниктик байланыш, адистерди даярдоо жана телекоммуникациялык технологияларды өнүктүрүү жаатында кызматташуу мүмкүнчүлүктөрүн талкуулашты.
Сүйлөшүүлөрдүн жыйынтыгында кызматташуу боюнча меморандумду даярдоо боюнча макулдашууга жетишилди. Жамангулов бул Кыргызстан үчүн жаңы багыт экенин белгилеп, өлкө алдыңкы уюмдар менен системалуу өз ара аракеттенүүгө кызыкдар экенин белгиледи.