Кыргызстан социалисттик партиясы шайлоонун жыйынтыгы менен макул болбогон партиялардын ачкачылык акциясына кошулуу чечимин өзгөрттү.
Партиянын өкүлү Нурбек Жоробековдун айтымында, мындай чечимди партиялар кабыл алышкан, бирок ал активист катары макул болбогондорду колдойт.
Эскерте кетсек, 14-апрелде бир нече партиянын өкүлдөрү БШКнын имаратынын жанында ачкачылык жарыялоого камданып жатышат. Буга чейин ачкачылык акциясы үч күн бою уланаары, ал эми алар тамактануудан гана баш тартышканы жарыяланган. Эгер бийлик чечимин өзгөртпөсө, ачкачылык акциясы улана берет.
11-апрелде Кыргызстанда жергиликтүү кеңештин депутаттарын шайлоо жана референдум өткөн.