Кыргыз Республикасынын Маданият, маалымат, спорт жана жаштар саясаты министрлигинде Түркияда өтө турган IV Дүйнөлүк көчмөндөр оюндарына даярдануу үчүн биринчи ведомстволор аралык жыйын өттү. Бул тууралуу аталган ведомствонун басма сөз кызматы билдирди.
Маалыматка караганда, анда иш -чараны жогорку деңгээлде уюштуруп өткөрүү боюнча комитетин түзүү чечими кабыл алынып, бардык компоненттер (маданият, спорт жана маалымат каражаты ж.б.) боюнча өкүлдөрдү киргизүү боюнча иштер башталат.
Белгилей кетсек, IV Дүйнөлүк көчмөндөр оюндары Түркиянын Изник шаарында өтөт. Учурда Түркияда оюндарды өткөрүү боюнча жумушчу комитет иштеп жатат. Алдын ала маалыматтар боюнча иш-чараны өткөрүү үчүн мыкты режиссёрлор тартылганы айтылууда.