Фостердик үй-бүлөлөр институту Кыргызстанда 2014-жылдан баштап киргизилген. Бул тууралуу Эмгек, социалдык камсыздоо жана миграция министрлигинин басма сөз кызматы билдирет.
Фостердик же багуучу үй-бүлө-бул мамлекет менен келишимдин негизинде белгилүү бир мөөнөткө турмуштук оор кырдаалга туш болгон балдарды тарбиялоону жүзөгө ашырган, окутуудан өткөн үй-бүлө.
Атайын окуудан өткөн 30 жаштан 65 жашка чейинки жарандар фостердик ата-эне боло алышат. Мамлекет аларды тарбиялоого бир жарым жашоо минимумунун бир жарым эсебинен каражат бөлөт.
Ушул жылдын июль айынын башына карата Кыргызстанда ата-энесинин көзөмөлчүлүгүсүз калган 218 бала 110 багып алуучу (фостердик) үй-бүлөдө тарбияланат. Өткөн жылга салыштырмалуу үй – бүлөлөрдүн саны 29% га көбөйгөн.
Фостердик үй-бүлөлөргө окууга дагы 51 талапкер Эмгек министрлигинин аймактык бөлүмдөрүндө каттоодо турат.
Биздин Телеграм каналга катталыңыз