Кыргызстанда 72,8%ы же 329 айыл өкмөтү дотацияда турат. Бул тууралуу бүгүн, 26-июлдагы мааламат жыйында Мамлекеттик кызмат жана жергиликтүү өзүн-өзү башкаруу иши боюнча мамлекеттик агенттиктин директору Элчибек Жантаев билдирди.
Анын айтымында, Кыргызстанда жалпы 452 айыл өкмөтү болсо, анын ичинен 123ү гана өзүн өзү камсыз кыла алат.
Бирок жылдан жылга дотациядан чыккан айыл өкмөттөрдүн саны көбөйүүдө. Маселен, акыркы бир жыл ичинде эле 48 айыл өкмөтү дотациядан чыккан.
Облустар боюнча алганда Чүйдө айыл өкмөттөрдүн 43,8%ы, Ысык-Көлдө – 60,6%, Таласта – 70,2%, Ош облусунда – 87,5%, Жалал-Абадда – 82%, Нарында 90,4% жана Баткенде – 100%ы дотацияда турат.