Дары-дармек департаментинде дары-дармектерди көзөмөлдөө системасы ишке кирди. Бул тууралуу Саламаттыкты сактоо министрлигинен билдиришти.
Маалыматка карганда, иштелип чыккан система контрафакттык медициналык каражаттар менен күрөшүү аркылуу дары-дармектердин жана медициналык буюмдардын коопсуздугун камсыз кылат.
Система дарыларды өлкөгө киргенден баштап акыркы керектөөчүгө чейин дарыканаларда көзөмөлдөй алат. Ал эми ооруканаларда конкреттүү дары-дармектердин бар экендиги тууралуу маалымат жеткиликтүү болот.
Жарандар мобилдик тиркеме аркылуу сатылып алынган дары-дармектин мыйзамдуулугун текшерип, ал боюнча бардык керектүү маалыматтарды ала алышат.
Система аркылуу чогултулган дары-дармекти керектөө маалыматтары саламаттыкты сактоонун улуттук стратегиясын иштеп чыгуу үчүн колдонулат. Бул система бүткүл Кыргызстан боюнча дары-дармек менен камсыздоонун абалын онлайн режиминде баалоого мүмкүндүк берет.
Телеграм каналыбызга катталыңыз