Кыргызстанда февраль айында күрүч, эт, жумуртка жана чайга болгон баа кымбаттады. Бул тууралуу Улуттук статистикалык комитеттин февраль айына карата жүргүзүлгөн баа мониторинги бөлүмүнөн билдиришти.
Маалыматка караганда, орто дан күрүч 5,4 сомго, узун дан күрүч дээрлик 3 сомго (жыл башынан бери алардын баасы 13 жана 5 сомго чейин) кымбаттаган.
Ал эми кой эти 4 сомго, жылкы эти 2 сомго, 10 даана жумуртка 1 сомго (январдан бери баа 2 сомго), кара узун жалбырактуу чай 1 сомго (жыл башынан бери 2 сомго) кымбаттаган.
Биздин Телеграм каналыбызга катталыңыз