2022-жылдын жети айында текстиль, кийим жана бут кийим өндүрүшүнүн көлөмү 32,9%га өстү. Мындай маалыматты Улуттук статистикалык комитет таратты.
Үстүбүздөгү жылдын январь-июль айларында текстиль өндүрүшүнүн көлөмү, ошондой эле кийим-кече, бут кийим, булгаары жана башка буюмдарын өндүрүү 4 миллиард 824,3 миллион сомго бааланган болсо, 2021-жылдын ушул эле мезгилинде — 3 млрд. 630,3 млн сомго бааланган. Алсак, быйылкы жылы бул товарларды чыгаруу нарк жагынан алганда 1 миллиард 194 миллион сомго көбөйдү.
Анын ичинен текстиль өндүрүшү өткөн жылга салыштырмалуу 43,8%, кийим тигүү 34,6% жана бут кийим жана булгаарыдан жасалган буюмдар 12,3%га өскөн.
2020-жылдын пандемия мезгилине салыштырмалуу текстиль өндүрүшү 66,6%га, тигүү өндүрүшү 44%га, бут кийим жана булгаарыдан жасалган буюмдар 63%га өскөн.
Телеграм каналыбызга катталып, башка жаңылыктарды табыңыз