Кыргызстанда коронавирус пандемиясына байланыштуу аскерге чакыруу убактылуу токтотулду. Бул тууралуу өлкөнүн Куралдуу күчтөрүнүн Генералдык штабынын башчысы Райымбек Дүйшөмбиев билдиргенин «Марал» жазды.
«Биз Куралдуу күчтөрдүн катарына аскерге чакыруу, жазгы аскерге чакырууну убактылуу токтоттук. Мобилизация азырынча жарыялана элек», — деди Генералдык штаб башчысы Райымбек Дүйшөмбиев.
Кыргызстанда соңку маалыматтар боюнча коронавирус илдетин жуктуруп алгандардын саны 42ге жетти.