Министрлер кабинетинин төрагасынын орун басары Эдил Байсалов Silk Road Mountain Race 2024 эл аралык веломарафонунун ачылышына катышты. 35 өлкөдөн 170тен ашык адам катышкан веломарафон Бишкекте башталып, Ысык-Көл облусунун Чолпон-Ата шаарында аяктайт.
Узундугу 1938 км, бийиктиги болжол менен 30 460 метр болгон каттам көптөгөн ашуулардан, кооз өрөөндөрдөн, Соң-Көл, Чатыр-Көл, Ысык-Көл көлдөрү аркылуу өтөт.
«Бул биздин туристтик потенциалыбыздын эң жакшы жарнамасы. Анын популярдуулугу жана катышуучулардын саны, анын ичинде кыргызстандыктар арасында жыл сайын өсүп жатканы кубандырат. Алдыдагы эки жуманын ичинде, 1938 чакырымдык жолдо биз катышуучулардын чыдамдуулугуна жана жаратылыштын кооздугуна суктануу менен жарышка көз салып турабыз», — деди Байсалов.
Биздин Телеграм каналга катталыңыз