Кыргызстанда акыркы суткада төрт жаран коронавирустан каза болду. Бул тууралуу саламаттык сактоо министри Сабиржан Абдикаримов маалымат жыйынында билдирди.
Абдыкеримов белгилегендей, каза болгон адамдар төмөнкү аймактарда катталган:
Бишкек шаарында –1;
Ош облусунда -1;
Баткен облусунда –2.
8-октябрга карата Кыргызстанда коронавирус 245 адамдан табылып, бул илдетке кабылгандардын жалпы саны 48 миң 342ге жетти. Алардын ичинен 43 миң 957 адам айыгып чыкса, 1 миң 73 адам илдеттен улам каза болгон.
