Кыргызстанда сөөк чучугун аутологиялык трансплантациялоо биринчи операциясы башталды. Бул тууралуу Саламаттыкты сактоо министрлиги билдирди.
Ал бүгүн Эне жана баланы коргоо улуттук борборунда 14 жаштагы бейтапка жасалат. Дагы эки бейтап химиотерапия курстарын аяктагандан кийин сөөк чучугун алмаштырууга даярдалат.
Сөөк чучугунун аутологиялык трансплантациясы – бейтаптын өзүнүн өзөктүү клеткаларын колдонгон заманбап жана эффективдүү дарылоо ыкмасы. Бул ыкма иммунологиялык кагылышуулардын коркунучун азайтат жана дарылоо натыйжаларын жакшыртат. Беш курс химиотерапиядан өткөн бейтапка жасалуучу бул маанилүү операция ага толук сакайып кетүүгө үмүт берет.