Кыргызстанда тигүү тармагынан салыктык түшүүлөр туруктуу өсүүдө.
Мамлекеттик салык кызматынын маалыматы боюнча, 2023-жылы тармактан 169 миллион сом которулса, 2024-жылы бул сумма 1,5 эсеге көбөйүп, 255,2 миллион сомго жеткен.
Салыштыруу үчүн айтсак, 2020-жылы киреше болгону 58,5 миллион сомду түзгөн.
2025-жылдын төрт айында бул тармактан бюджетке 106,5 миллион сом түшкөн. Тармак жигердүү өнүгүп, жумуш орундарын түзүп, экономикага олуттуу салым кошууда, анын ичинде мамлекеттик колдоонун жана салыктык преференциялардын аркасында.