Улуттук банк 2023-жылдын 10-майынан тартып улуттук валютанын жаңы бешинчи сериясындагы 200, 500 жана 1000 сом номиналындагы банкнотторду жүгүртүүгө чыгарат. Бул тууралуу Улуттук банктын төрагасынын орун басары Кайып Куленбеков маалымат жыйынында билдирди.
Анын айтымында, банкноттордун жаңы сериясы Кыргыз Республикасынын улуттук валютасынын жүгүртүүгө киргизилгендигинин 30 жылдыгына арналган жана улуттук валютанын 1993-жылы жүгүртүүгө киргизилгенден баштап азыркы учурга чейинки эволюциясын чагылдырат: жөнөкөй жасалмалоодон коргоонун жогорку деңгээли бар банкноттордун коргоо элементтеринин минималдуу топтомун камтыган купондор.
“Улуттук валютанын банкнотторунун жаңы серияларынын сюжетиндеги негизги багыт – Кыргызстандын тарыхый жана маданий мурасын чагылдыруу өзгөрүүсүз калды. Банкноттордун алдыңкы бетинде искусство жана маданият өкүлдөрүнүн портреттери жана арткы бетинде республиканын кооз жерлери сакталган. Банкноттордун негизги түсү жана өлчөмү да өзгөрүүсүз калды», — деп билдирди Улуттук банктын төрагасынын орун басары.
Биздин Телеграм каналыбызга катталыңыз