Кыргызстанда 2024-жылдын алты айында жол кырсыктардын кесепетинен 280 адам каза болгон. Мындай маалыматты 10-сентябрда Жогорку Кеңештин Транспорт, коммуникациялар, архитектура жана курулуш боюнча комитетинин жыйынында Жол кыймылынын коопсуздугун камсыздоо боюнча мамлекеттик инспекциясынын башчысынын орун басары Эмил Жакыпов билдирди.
Анын айтымында, бул аралыкта 3060ка жакын жол кырсыгы катталган.
Биринчи жарым жылдыкта кырсыктардын саны 2023-жылдын ушул мезгилине салыштырмалуу 8 пайызга, ал эми каза болгондордун саны 6,7 пайызга азайган. Кырсыктын кесепетинен 4,5 миңге жакын адам жабыркаган.
Мамлекеттик Жол кыймылы коопсуздугун камсыздоо инспекциясынын статистикасына ылайык, 2024-жылдын алты айында жол эрежесин бузгандардан 278,3 миллион сомдон ашык каражат өндүрүлгөн.
Салыштыруу үчүн: 2023-жылы Кыргызстанда жол кырсыгынан 783 адам каза болсо, буга чейин жол кырсыгынын жалпы саны 6945ти түзсө, жол кырсыктарынын 92 пайызы айдоочулардын күнөөсүнөн улам болгон.
Биздин Телеграм каналга катталыңыз