13-15-август күндөрү Германиянын Штутгарт шаарында бал бийи боюнча жыл сайын өтүүчү WDSF 2024 эл аралык турнири болуп өттү. Бул тууралуу КРнын Бий спорту федерациясынын президенти Сергей Титунин билдирди.
Мелдешке Кытай, Франция, Италия, Латвия, Польша, Португалия, Болгария сыяктуу 30дан ашык өлкөнүн өкүлдөрү катышты. Турнир Дүйнөлүк бий спорту федерациясынын (WDSF) колдоосу астында өттү.
Турнирде Кыргызстандын бий спорт федерациясынын спортчулары мыкты жыйынтыктарды көрсөтүштү.
“Жаштар, латина” категориясында (WDSF Open Latin Youth 2024) кыргызстандык бийчи түгөйлөр Владимир Вырлеев менен Мария Прошлецова 30 өлкөдөн келген 138 түгөйдү утуп, алтын медалга ээ болушту.
Биздин Телеграм каналга катталыңыз