Кытайдын Циндао шаарында ШКУнун электрондук коммерция боюнча атайын жумушчу тобунун 8-жыйыны өтүп, ага Кыргызстандан эксперттер онлайн режиминде катышты. Индия, Иран, Казакстан, Кытай, Тажикстан, Өзбекстан жана ШКУнун катчылыгынын өкүлдөрү чогулуп, электрондук соода тармагындагы кызматташууну талкуулашты.
Эксперттер электрондук сооданы жөнгө салуу боюнча документтерди карап чыгышып, “Жибек жолунун электрондук соодасы” презентациясына катышты. Расмий сессиялардан тышкары кыргызстандык адистер электрондук коммерция тармагындагы компаниялар менен иштиктүү жолугушууларды өткөрүштү.