Кыргызстандык куткаруучулар Түркияда урандылардын алдынан 7 жаштагы баланы аман куткарышты. Бул тууралуу Өзгөчө кырдаалдар министрлигинен билдиришти.
Маалыматка караганда, 12-февраль күнү Бишкек убактысы боюнча саат 02:30 чамасында кыргызстандык куткаруучулар тарабынан Алиайчичек аттуу 2016-жылы төрөлгөн бала куткарылды.
«Тилекке каршы, ал жерде баланын апасы жана агасы каза болуп калган. Алардын сөөгү чыгарылып, туугандарына берилди», — деп айтылат маалыматта.
Ошондой эле, кыргызстандык куткаруучулар 11-февралда уранды алдынан 22 жаштагы кош бойлуу келинди аман-эсен куткарып алышкан.
Окуя Кахранмараш шаарындагы «Баалыжан» районунда саат 19:21 чамасында болгон.
Буга чейин кыргызстандык куткаруучулар Кахраманмараш шаарында бузулган имараттардын алдынан 6-күн дегенде бир адамды куткарышкандыгы маалымдалган.
Биздин Телеграм каналга катталыңыз