Самбо боюнча өспүрүмдөр жана жаштар курама командасы дүйнө чемпионатында 11 медаль утту. Бул тууралуу Дене тарбия жана спорт департаментинен билдиришти.
Мелдеш 11-13-октябрь күндөрү Кипрдин Ларнака шаарында өткөн. Кыргызстандык спортчулар дүйнө биринчилигинде 1 алтын, 2 күмүш жана 8 коло уткан.
Жаштар арасында (2004-2006 ж.т.):
- Алтын: Эмирхан Жолдошказиев (+98 кг);
- Күмүш: Артур Сансызбеков (88 кг);
- Коло: Аида Асанбекова (66 кг);
- Коло: Ахмед Алиев (күжүрмөн самбо, 58 кг);
- Коло: Айтеңир Алтынбек уулу (күжүрмөн самбо, 79 кг).
Жаштар арасында (2006-2007 ж.т.):
- Коло: Азамат Темирбеков (64 кг);
- Коло: Аятулло Алтынбеков (71 кг);
- Коло: Илья Сухинин (+98 кг).
Өспүрүмдөр арасында (2008-2009 ж.т.):
- Күмүш: Шахнази Айбекова (41 кг);
- Коло: Даниел Шаршенов (58 кг);
- Коло: Нурадил Иманалиев (71 кг).
Курама команда мелдешке башкы машыктыруучу Азамат Казакбаев жана машыктыруучу Ильгиз Каналбек уулунун жетекчилиги алдында катышты.