Ерлан Султангазиев каноэ жана байдарка менен сууда сүзүү боюнча Азия чемпионатында алтын медалга ээ болду. Бул тууралуу Дене тарбия жана спорт агенттиги билдирди.
Султангазиев финалда 200 метрлик аралыкты 37,05 секунддук убакытта байдарка менен сүзүп өтүп, биринчи келген. Экинчи болуп Таиланддык спортчу, ал эми Кытайлык спортчу үчүнчү келген.
Бул алтын медаль аталган спорттун түрү боюнча Кыргызстандын алгачкы жеңиши.
Азия чемпионат 7-12-май күндөрү Кытайдын Наньчан шаарында өттү. Ага 19 өлкөдөн келген спортчулар катышты.