Бишкек шаарындагы адистештирилген атайын спорт мектебинин окуучулары Казакстанда өткөн турнирде 10 медаль жеңип алышты. Бул тууралуу мэриядан билдиришти.
Маалыматка караганда, оор атлетика боюнча адистештирилген балдар-өспүрүмдөрдүн олимпиадалык резервдеги спорт мектебинин тарбиялануучулары Казакстандын эмгек сиңирген машыктыруучусу В.Ю.Пактын жаркын элесине арналган ачык турнирге катышышты.
Мелдештин жыйынтыгы боюнча алар 10 медалга ээ болушту:
— Арсен Омуржанов (55 кг салмакта) – 1-орун;
— Талант Туратбеков (67 кг салмакта) – 1-орун;
— Нурланбек уулу Нурчолпон (73 кг салмакта) – 1-орун;
— Жайлообек уулу Азамат (81 кг салмакта) – 1-орун;
— Курбанахун уулу Дилмурад (81 кг салмакта) – 1-орун;
— Айтегин Жолдошкулов (89 кг салмакта) – 1-орун;
— Рыскелди Алишеров (89 кг салмакта) – 1-орун;
— Арслан Молдодосов (55 кг салмакта) – 2-орун;
— Мухамед Миназаров (102 кг салмакта) – 2-орун;
— Курбанбек кызы Айдай (59 кг салмакта) – 2-орун.
Турнир 18-декабрдан 25-декабрга чейин Кокшетау шаарында (Казакстан) өткөн. Максаты — спортчулардын ортосундагы достукту чыңдоо жана жаштар арасында оор атлетиканы жайылтуу болуп саналат.