Кыргызстандык жөө күлүктөр Кытайдын Гонконг шаарында өткөн марафон боюнча Азия биринчилигинде эки байге алды. Бул тууралуу Кыргызстандын жеңил атлетика боюнча федерациясы билдирди.
16 өлкөнүн күчтүү спортчулары катышкан жарышта кыз-келиндер арасында Гүлшанай Сатарова күмүш, эркектер арасында Илья Тяпкин коло байге тагынган.
Эскерте кетсек, Азия чемпионаты Гонконгдогу марафондун алкагында 21-январда өттү.