Бүгүн, 17-августта эмгек, социалдык камсыздоо жана миграция министрлигинин чет өлкөдөгү жарандарды ишке орноштуруу борбору менен Польшанын «Eurokadra Group» агенттигинин ортосунда макулдашууга кол коюлду.
Эмгек министринин орун басары Улан Чаначевдин айтымында, документ кыргызстандыктарга Польшада мыйзамдуу иштөөгө мүмкүндүк берет.
«Биздин жарандар өнөр жайдын ар кандай тармактарындагы – өндүрүш, коомдук тамактануу, курулуш тармактарындагы бош орундарды тандай алышат. Квалификацияга ээ болгон кыргызстандыктар сертификаттар менен тастыкталган жаңы көндүмдөргө ээ болуу үчүн толук кандуу окутуу программасын тандай алышы маанилүү. Жыл башынан бери министрлик жеке иш менен камсыз кылуу агенттиктери менен биргеликте Польшага 138 жаранды жөнөттү, алар өндүрүш, курулуш жана кызмат көрсөтүү тармагында иштешет.
Ведомствонун милдети-Кыргыз Республикасынын жарандарына тышкы эмгек рыногунда ишке орношууга көмөк көрсөтүү. Жарандар арасында популярдуу багыттардын бири Улуу Британия, Түркия, Корея, Германия, Польша, Венгрия, Перс булуңундагы өлкөлөр жана башка бир катар өлкөлөр бойдон калууда. Ошондой эле биз Польша Республикасына жарандарды ишке орноштурууга кызыкдарбыз», — деди ал.
Польшадагы “Eurokadra Group” агенттигинин вице-президенттин Вислав Яминскинин айтымында, компания көптөгөн өлкөлөр менен кызматташат. Румыниядан, Грузиядан, Молдовадан, Беларустан жана Чыгыш Азия өлкөлөрүнөн жумушчуларды тартуу жолу менен. Чет элдиктер жумушка орношкондо, иштеп жаткан учурда турак-жай менен камсыз болушат. Мындан тышкары, компания медициналык тейлөөнү камсыз кылат – зарыл болгон учурда чет элдикке Польшада медициналык жардам алууга мүмкүндүк бере турган медициналык камсыздандырууну камсыз кылат.
Биздин Телеграм каналга катталыңыз