Берилген насыялардын негизги көлөмү соодага жана унааларды оңдоого туура келет. Бул тууралуу Улуттук статистикалык комитети билдирди.
Алсак, тогуз айда комбанктар дүң жана чекене соодага, ошондой эле автоунааларды жана мотоциклдерди оңдоого 53 миллиард 534,5 миллион сом беришкен.
Ошондой эле айыл, токой жана балык чарбаларына олуттуу суммада жалпысынан 35 миллиард 437,5 миллион сом берилген.
Белгилеп кетсек, үч кварталда берилген насыялардын жалпы көлөмү 194 миллиард 509,8 миллион сомду түзөт.
Биздин Телеграм каналыбызга катталыңыз