Кыргызстандын эки облусунда жер титирөө катталды. Бул тууралуу Илимдер академиясынын Сейсмология институту билдирди.
Маалыматка караганда, бүгүн саат 10:04тө Жалал-Абад облусунун аймагында 3,5 балл жана Чүй облусунун аймагында 3 балл жер титирөө катталды.
Жалал-Абад облусунун Базар-Коргон районунун Косо-Терек айылында 3,5 баллга, Кызыл-Үнкүр, Жаз-Кечүү, Ак-Булак айылдарында 3 баллга, Арсланбап айылында 2,5 баллга чейин (Косо-Терек айылынан 10 чакырым түндүк чыгышта, Кызыл-Үнкүр айылынан 15 чакырым тундүк чыгышка, Жаз-Кечүү айылынан 15 чакырым түндүк батышка, Арсланбап айылынан 25 чакырым түндүк чыгышка) чейин сезилген.
Ал эми Чүй облусунун аймагында күчү 3 магнитудасына жеткен жер титирөө Аламүдүн районунун Байтик айыл аймагынын Кашка-Суу айылында жана Сокулук районунун Төш-Булак айыл аймагынын Төш-Булак айылында 2,5 баллга чейин (Кашка-Суу айылынан 20 чакырым түштүк батышка, Төш-Булак айылынан 23 чакырым түштүк чыгышка, Бишкек шаарынан 36 чакырым түштүк батышка) чейин сезилген.
Алдын ала маалымат боюнча, жер титирөөлөрдөн жабыркагандар жана кыйроолор катталган жок.
Биздин Телеграм каналга катталыңыз