Стефан Таркович Кыргызстандын футбол боюнча улуттук курамасынын жаңы башкы машыктыруучусу болду. Бул тууралуу Кыргызстандын футбол союзу билдирди.
50 жаштагы словакиялык Стефан Тарковичтин талапкерлиги 24-апрелде КФСнын аткаруу комитетинде жактырылды.
Маалым болгондой, 30 талапкер каралып, анын ичинен улуттук курама команданын башкы машыктыруучу кызматына эң ылайыктуу 5 талапкер тандалып алынган.
Стефан Таркович УЕФАнын машыктыруучу лицензиясына ээ. 2022-жылга чейин ал Словакиянын курама командасын жетектеп, ЕВРО-2020 нын финалдык баскычына алып барган.
Буга чейин курама команданын машыктыруучусу болуп Александр Крестинин иштеген.
Биздин Телеграм каналга катталыңыз