25-ноябрга карата Кыргызстандын мамлекеттик вексель жана облигациялардагы ички карызы 85 млрд 484,3 млн сомго жетти.
Кыргызстандын ички карызынын өсүшү 18-21-ноябрь күндөрү болгон. Анда Каржы министрлиги 10 жылдык мамлекеттик облигациялардын эсебинен 535 млн сом карыз алган.
Ошол эле учурда, аталган күндөрү 12 айлык векселдер боюнча 6 млн сом карызды төлөгөн.
Эскерте кетсек, Кыргызстандын ички карызы жыл ичинде 34,2%га же 21,8 млрд сомго көбөйгөн: 63,7 млрд сомдон 85 млрд 484,3 млн сомго чейин.
Биздин Телеграм каналга катталыңыз