Хэйлунцзян, Цзилинь, Ляонин жана Кытайдын кээ бир аймактарынын түндүк-чыгышында электр энергияны көп талап кылган өнөр жай ишканаларына чектөөлөр киргизиле баштады. Мындай чектөө үй чарбаларына да киргизилүүдө.
Кытайдын 20га жакын провинциясы жана башка региондору көмүрдүн жетишсиздигинен жана энергия системасына жүктөлгөндүктөн электр энергиясын колдонууга ар кандай чектөөлөрдү киргизишти. Бул тууралуу ТАСС маалымат агенттиги жазды.
Учурда кытай бийлиги мезгилдик сууктан улам электр энергиясына талап жогору болорунан коркуп жатышат.
Кытайдын кээ бир аймактарында жергиликтүү бийликтер өнөр жай ишканаларына энергия керектөөнү, жумуш убактысын кыскартууну же өндүрүштү толугу менен токтотууну буйруган. Аларга болотту, башка металлургиялык ишканаларды, текстиль өндүрүүчүлөрдү, химия өнөр жайын жана башка энергия сыйымдуу тармактар кирди.
Цзянсу провинциясында 1100дөн ашуун ишканага өндүрүштү эки күндө бир токтотууга буйрук берилген. Дагы 143 ишкана таптакыр ишин токтотушу керек.
Гуандун экиден беш схемасын киргизди, ишканалар энергияны керектөөнү эң жогорку мезгилде 15% толук жүктөөдөн төмөн кармашы керек.