Быйыл Кытайда өтө турган Азия оюндарына Кыргызстандан 181 спортчу катышат. Бул тууралуу Улуттук олимпиада комитетинин президенти Садыр Мамытов билдирди.
Анын айтымында, Азия оюндары 23-сентябрдан 8-октябрга чейин Кытайдын Ханчжоу шаарында өтөт. Аталган оюндар былтыр COVID-19 пандемиясынан улам өткөрүлбөй калган.
Азия оюндарынын алкагында спорттун 40 түрү боюнча мелдештер өтөт. Кыргызстан бул жарышка бокс, сууда сүзүү, ок атуу, жаа атуу, дзюдо, оор атлетика, грек-рим күрөшү, эркин күрөш, кыз-келиндер күрөшү, фехтование, жеңил атлетика, жалпы спорттун 26 түрү боюнча катышат.
Биздин Телеграм каналга катталыңыз