Кыздар юбка кийгенден төрөбөй жатышат. Бул тууралуу бүгүн, 16-апрелде болгон маалымат жыйында саламаттык сактоо жана социалдык өнүктүрүү министри Алымкадыр Бейшеналиев билдирди.
Анын айтымында учурда уу коргошун коронавирус менен ооругандарга берилүүдө.
“Кыздарга берген жокпуз. Уу коргошунду турмушка чыга элек кыздар ичсе төрөбөй калат деген кептер айтылып жүрөт. Кыздар азыр эмнеден төрөбөй калып жатат? юбка кийип алып, асфальтта отуруп сезгенүү болуп калып төрөбөй жатышат. Ысык-Көлдүкүнөн эмес”, — деди Бейшеналиев.
Белгилей кетсек, буга чейин министр “Уу коргошунду” президент экөө кайнатып жатканын айткан.