Кызыл-Кыя шаарындагы мечиттен табылган ымыркайдын апасы табылды. Бул тууралуу Баткен облустук милициядан билдиришти.
Ымыркайды мечитке таштап кеткен эне 16 жаштагы кыз болуп чыкты. Милиция ал 10-январда кармалып, тергөө иштери уланып жатканын кабарлады.
Эскерте кетсек, 3-январда Кызыл-Кыядагы Аль-Гуфран мечитине азан чакырууга келген молдо ак шейшепке оролгон ымыркайды (эркек бала) таап алган. Ал ооруканага жеткирилип, дарыгерлерге өткөрүлүп берилген. Анын абал туруктуу экени айтылган.