Баткенде Кызыл-Кыя шаардык милициясынын башчысы Мирбек Толтоев Ооган согушунун ардагери Акбарали Айдаровдон кабар алды. Бул тууралуу облустук милициядан билдиришти.
Акбарали Айдаров Ооган согушуна 19 жашында кетип, Кабул шаарында 3 жыл кан кечип кызмат өтөп, 1983-жылы мекенине кайтып келген. Кийин Кызыл-Кыя шаардык милициясында кызмат өтөгөн. Айдаров президенттин “Күжүрмөн кызмат өтөгөндүгү үчүн” медалы жана ИИМдин сыйлыктарына татыган. Учурда 62 жашта.
«Мирбек Толтоев Ооган согушунун ардагерлеринин эмгегин эске алып, Акбарали Айдаровго бекем ден соолук каалап, өздүк курам атынан жана жеке өзүнүн атынан ыраазычылыктарын билдирип, белектерин жана суусундуктарды тапшырды», — деп айтылат маалыматта.
