Баткен облусунун Лейлек районунун Ай-Көл айылынын Н.Батыров атындагы орто мектебинин жаңы имараты курулат.
Окуу жайы 1954-1955 жылдары аймактагы малчылар жашоочу үй багытында салынган. Ага 1963-жылы Гордой айылындагы “8-март” башталгыч мектеби көчүрүлгөн. Кийинчерек ашар жолу менен чоңойтулуп, жалпысынан 140 орундуу орто мектеп болуп, балдарга жалпы билим берүү мекемесине жараша ыңгайлаштырылган.
Азыркы учурда мектепте 284 окуучу билим алып, 31 мугалим эмгектенет.
Жаңы имараттын курулушу 70 миллион сомго бааланды.
Биздин Телеграм каналга катталыңыз