Лейлек районунда “Антирэкет” иш-чарасынын жыйынтыгында 2 ата-энеге айып пул салынды. Бул тууралуу облустук милициядан билдиришти.
Маалыматка караганда, Лейлек районунун аймагында 24-26-октябрь күндөрү “Антирэкет” иш-чарасы уюштурулуп, анын жүрүшүндө жаш өспүрүмдөрдүн коопсуздугу каралды.
Балдар менен иштөө инспекциясынын кызматкерлери мектептерде жыйналыштарды өткөрүп, ата-энелерге үй-бүлөлүк зомбулуктардын алдын алуу, жаш өспүрүмдөрдүн жүрүм-турумун көзөмөлдөө боюнча сүйлөшүүлөрдү жүргүздү. Ал эми мектеп окуучуларынын арасында зордук-зомбулук, мектеп рэкетин болтурбоо, тыюу салынган нерселерден алыс болууга эскертүүлөр берилип, түшүндүрүү иштери өткөрүлдү.
Бул иш-чаранын жыйынтыгында Кыргызстандын укук бузуулар кодексинин 74-беренесинин негизинде түнү өз алдынча максатсыз көчөдө жүргөн балдар аныкталып, 2 ата-энеге айып пул салынды.
Биздин Телеграм каналга катталыңыз